【又一偉大技術】Pico皮秒激光美白祛斑嫩膚樣樣得 邊部Pico好？邊間美容院好？其實價錢貴都有道理嘅～
唔知大家有無同我一樣比色斑同暗瘡印困擾著，淺色嘅色斑同暗瘡印係搽完foundation之後係可以遮到，但發現有d深色嘅色斑、暗瘡印、粗毛孔係要加多兩層嘅遮瑕膏先遮到== 咁都未係重點，重點係夏天就來到，諗起上年嘅夏天，lunch出去食個飯個妝就好似要溶，要不停補遮瑕同粉上去，諗起都覺得好麻煩，為咗唔想今個夏天又咁過於是決定上網睇下有咩直接嘅解決方法，睇咗好多評論講呢個多色斑同暗瘡印嘅情況下建議去做pico皮秒激光，但睇真啲pico原來有好多種，picoway、discovery pico 及picocare等，多到眼花繚亂×_×，原本打算用個超級無敵蠢嘅方法就係逐間上去試做，因為好多美容院都可以試做 / 用低啲嘅價錢去體驗下，咁就可以來個一試便知龍與鳳，幸好係我未踩入陷阱嘅時候，有個『蠢』同事介紹咗我去佢認為最好果間（點解係『蠢』因為佢真係逐間試==不過佢話有啲試完有禮物送例如唇膏/香水/爽膚水，還好只係有啲太過hard sell，但都比佢拒絕咗，我佩服！不過點都好la，佢真係好好減省咗我好多時間同比人hard sell嘅機會，突然發覺請佢食餐飯好似都唔夠添~.~）
佢話試咗兩間大公司同一間算係規模相對下比較細嘅美容院（唔洗樓下街坊生意嗰啲），分別係XXXfect Medical及、XX REBORN及CutiX
XXXfect Medical
佢地用美國機picoway（香港好多美容院用呢部），同事見佢地有得免費體驗同時仲有揀禮物，仲要係大品牌，於是就走咗上去試。但呢間大品牌比佢地一個印象無想像中咁好，佢以為環境方面睇落會好啲高級啲，原來都係普通美容院咁，可能啲錢主要用咗係廣告到la。其實同事只係抱住體驗嘅心態上去，點知係咁比佢地hard sell，慶幸係佢頂得順無買到，因為佢過咗成個星期有多啲紅腫依然仲係到，而且都幾明顯下，搞到佢妝都唔敢化，勁驚係反黑現象==
XX REBORN
部機係意大利嘅discovery pico，都係免費體驗，個環境都算ok光猛，但最慘係係顧問房比人hard sell同用好差嘅態度對待都算，做緊療程嘅時候都仲比治療師sell到暈，佢話想抖下但仲繼續sell，全程好似無聽過咁，搞到個同事差啲想發脾氣。消腫退紅嘅情況係比XXXfect Medical快啲嘅，不過啲斑同色素好似未見淡咗，好快就出返黎，效果好似keep得唔太耐，雖然$9888做5次好似好抵咁，但下下sell到想打人，所以同事最後都放棄咗。
Cutix
佢地用韓國嘅picocare，原本去都無乜點留意呢間，都係經佢朋友介紹先過去，上到去嘅環境同裝修都唔錯，睇落唔似係細公司，服務都幾好，因為佢坐低之後就好快有人遞杯水比佢，仲有啲糖/餅乾食，去到顧問房，原本個顧問都想sell佢其他療程，但佢話朋友介紹佢來做picocare，就無再hard sell，療程期間治療師都有介紹下有其他療程，不過同事話我想抖下之後就無sell la，淨係間唔時問係有無咩特別唔舒服，最後療程完結曬佢照鏡見到紅腫唔太勁，感覺又ok，啲人又無特別hard sell，所以佢一次過買咗五次，價錢$9800，雖然無好似XX REBORN會有其他療程送，不過勝在無hard sell，成個療程又可以舒舒服服咁做，到目前佢做咗4次，d斑真係清到幾乎無曬，效果真係幾好。
點解揀韓國機Picocare？
聽完同事嘅意見我其實個心都偏向咗想做Cutix呢間，不過佢話係韓國機我又猶豫咗陣，因為其他pico皮秒機都係外國出，得呢部係韓國出嘅會唔會唔好？但講開同埋搵過資料先發現，其實picocare先係最適合亞洲人皮膚，因為呢部機擁有四種波長，分別係532、694、755、1064nm，其中嘅532nm有獨有大光斑嘅G.Shine翠綠美白科技，使用低能量KTP技術，可以為表皮層更有效祛斑、美白和均勻膚色，然後再用1064nm打落真皮層，做到徹底清潔色斑及黑色素，而且反黑嘅機會都比其他機低，因為其他機係外國出，只要針對歐美人嘅白膚質，而歐美人嘅膚色比我地好唔同嘅就係佢地反黑機會較低，我地嘅反黑機會相對高好多，打個比如，白人同歐洲人兩個一起曬黑，但變白翻嘅過程一定係白人比較快，所以如果想要反黑機會低d嘅，可能picocare會比較好d，同埋picocare係韓國係NO.1嘅，最多韓國皮膚科醫生選用（咁多人去韓國整容就知道，其實韓國都好有保證）。另外picocare仲有個獨有黃金蜂巢聚焦HEXA MLA技術，含有多個spot size，可以針對患處/治療嘅地方而採用唔同嘅探頭，將能量聚焦變得更集中同穩定，令到目標治療位置表皮或真皮層產生空泡效應(LIOB)，透過LIOB皮膚能夠重啟修復機制，令彈性纖維變得健康，仲可以增加真皮層內嘅膠原蛋白，從而達致有效地治療各式嘅疤痕及凹凸洞（如果想打走疤痕/凹凸洞佢最適合不過）。
雖然Picocare睇落好神，不過係香港就好少美容中心有呢部機，上網搵香港目前好似得三間先有呢部機，兩間係旺角，一間係銅鑼灣，係旺角嘅其中一間連個公司網站/Facebook個d
都無，真係擔心間野用嘅機到底有無問題，因為用係面到少少唔放心都唔敢試~價錢都費事再問；另外銅鑼灣嗰間上網一search就比人black list咗，雖然價錢係比較平少少，但一上到去就會瘋狂sell你，所以都已經唔洗再諗。經過一輪嘅候選加上網search之後，我最後係去咗Cutix做嘅，始終熟人介紹係可信d，安心d，而且係韓國同台灣都被熱捧，上有youtube睇好多台灣youtuber都有介紹過，做完皮膚真係靚咗白滑咗好多，韓國更加唔洗講（最近仲係我煲劇，睇心動警報期間無意發現到有Picocare嘅出現><可想而知部機係韓國係幾受歡迎！）
親身體驗
上咗去之後佢地d staff真係如我同事所講，係幾nice嘅，最重要係佢地無hard sell我，淨係同我分析翻我同同事嘅情況唔同，因為我要同時打暗瘡印同色斑，比同事只做色斑唔同d，所以建議我做兩種波長532及1064nm，而我呢個1064就真係用蜂巢頭來打嘅，針對性強d，效果出到來會明顯好多，但價錢貴一萬，所以我考慮咗好耐，超級耐，不過佢地見我考慮咁耐都無特別係咁要我打兩種波長，比咗足夠嘅時間我考慮清楚，最後都係深呼級買咗兩種波長果個做5次。暫時做咗4次效果已經見到好咗好多，效果好滿意^^不過坦白講打d暗瘡印嘅時候尤其深色d果d會有少少痛，但絕對可以忍受，所以想打嘅人但又超怕痛嘅話要有定心裡準備la~~~
心動警報劇照
http://www.instazu.com/media/1923324997306537960
Tag：
pico, picoway, discoverypcio, picocare, 皮秒激光, 韓國技術, 韓國, 美白, 去斑, 祛斑, 暗瘡印, 嫩膚, 緊緻肌膚, 均勻膚色, 韓妝, 凹凸洞, 疤痕, 骨膠原, 膠原蛋白, 白滑肌膚, 生空泡效應, LIOB, cutis, 彩光醫學美容中心, 心動警報,
留言列表
